İsmailiyyə Sarayının qrafik layihəsi

Bakıdakı "İsmailiyyə Sarayının" layihəsi polşalı memar İosif Kasperoviç Ploşkoya məxsusdur. Qotik üslubdakı binanı milyonçu Musa Nağıyev xəstəlikdən vəfat edən oğlu İsmayılın xatirəsinə tikdirib (1907). 1918l, mart hadisələri zamanı bina ciddi zərər görüb. Eskizdə binanın üzərində onun başlanğıc ili, həmçinin İsmayıl Nağıyev adına Müsəlman Evi yazısı yer alıb. 1923-cü ildə memar Dubov tərəfindən restovrasiya zamanı fasaddakı bütün yazılar təmizlənməyə başlanılır. Hazırda EA-nın binasıdır.