Azərbaycanın ilk bayrağının təsvir olunduğu xalça

Azərbaycan Cümhuriyyətinin (1918-1920) ilk bayrağının təsvir olunduğu xalça. Xalçanın yuxarısında və aşağısında ərəb əlifbası ilə bu iki beyt yazılıb: Zikr edər cinn, mələk, həm insan: Yaşasun dövləti-Azərbaycan. Hürr, azadə yaşatsun hamunu, Həmhüquq olsun ər ilə nisvan. (Son misranın mənası belədir: erkək ilə qadın bərabər hüquqlu olsun). Yuxarıdakı beytin altında tarix qeyd olunub: 1345. (Bu, miladi tarixlə 1926-cı il edir). Bayrağın üstündə “Azərbaycan bayrağı” yazılıb. Bayrağın altında “Mir Fəsih” sözü oxunur. Bu, çox güman ki, şairin təxəllüsüdür.