Memar Şəfiqə Mikayıl qızı Zeynalova 1922-ci il iyunun 26-da Bakıda anadan olub. İstedadlı memar, Moskva Memarlıq İnstitutunun diplomunu alan ilk azərbaycanlı qadın, «AzərDövlətLayihə» institutunda çalışıb. Şəfiqə Zeynalovanın layihələrinə əsasən Bakıda «Sovet modernizmi» dövrünün bir çox binaları tikilib: «Bakı Soveti» metro stansiyasının binası, Azadlıq prospektində Sovet İKP-nın Arxivinin binası, Dəmir yolu vağzalının yeni binası, «Nizami» metro stansiyasının yanında 17-i mərtəbəli «Orqtexstroy» trestinin inzibati binası, Kənd Təsərrüfatı Nazirliyinin (indiki Xarici İşlər Nazirliyi) binası və s. Memarın bir çox layihələri kağız üzərində qaldı: 56 yaşında, 1979-cu ildə, Şəfiqə xanımın ömrü yarımçıq qaldı.