1983-cü ildə Bakıda "Interdesign-83" adlı beynəlxalq seminar keçirilib. Mövzusu isə "Kənd həyatı üçün dizayn" olub. Bu barədə hansısa tapşırıqlar, proseslər və nəticələrdən danışıblar. Əsas diqqət mərkəzində olan layihə isə seminar iştirakçılarının hazırladığı eksperimental aqro qəsəbə olub. 1984-cü ildə bu barədə Moskvada kiçik kitabça çıxıb. Həmin kitabçada qəsəbələrin layihələndirilməsi, kənd təsərrüfatı istehsalatının təşkil olunması, həmçinin texniki estetika sahəsində elmi işlər yer alıb. Nəşr kənd həyatı üzrə çıxan suallarla başını yoran dizaynerlər, memarlar, rəssam və digər mütəxəssislər üçün nəzərdə tutulub.
